ᓇᔅᑲᐱ ᐃᔪᒋᒪᑲᓐᒡ ᑲᓏᐃᑕᒡ ᐊᒥᔽᐃᒡ ᑭᔭ ᑎᐸᓐ ᐊᑐᔅᒐᐅᓐ ᑲᐎᑲᐳᐎᑕᑲᓄᒡ ᐊᓐᑕ ᐊᔅᑎᒋᑕᑲᓄᒋ ᑕᑐᐎᒡ ᓇᔅᑲᐱ ᐊᑐᔅᒐᐅᓇ ᐊᔭᔭᑎᓇᒡ, ᐊᑐᔅᒐᐅᓐ ᒪᒧ ᐛᒋᑐᔅᒐᒥᑐᓇᓄᒡ ᑭᔭ ᐊᑐᔅᒐᐅᓐ ᑲᐎᑲᐳᐎᑕᑲᓄᒡ ᐊᓐᑕ ᓇᔅᑲᐱ ᑲᒪᐅᑕᐱᐃᒡ᙮ ᒪᐎᔭ ᒪᓯᓇᑕᐃᑲᓄᒋ:

ᓯᒍᐅᓐ – ᑕᐊᐱᒐᓂᑭᓐ ᐃᔨᒧᐅᓐ ᑲᐱᓂᔾ ᑕᐸᐃᑕᒡ ᓇᔅᑲᐱ ᐃᔪᒋᒪᑲᓐᒡ ᑭᔭ ᐃᔪᒡ ᐛᒋᑐᔅᒐᒪᑲᓄᒡ ᐊᓐᑕ ᑕᐊᐱᒐᓂᑭᓐ ᑲᒥᓯᓇᐃᒐᐱᐃᒡ, ᐊᐸᒧᑕᑲᓄᒋ ᑲᐃᒥᓇᓄᒋ ᑭᔭ ᑲᒥᓯᒐᐃᐱᐃᒡ ᐃᔨᒧᐅᓐ ᐊᐛᔅᑕᑲᓄᒡ ᐊᓐᑕ ᐃᑕᐅᓇ (https://www.sichuun.com/)᙮

ᑲᐛᐛᒋᑲᒪᒡ ᐛᔅᑕᐱᒪᑭᓐ ᐊᑐᔅᒐᐅᓐ, – ᑕᐸᐃᑕᒡ ᑭᔭ ᐊᔭᔭᑎᓇᒡ ᓇᔅᑲᐱ ᐃᔪᒋᒪᑲᓐᒡ, ᑲᐛᐛᒋᑲᒪᒡ ᐛᔅᑕᐱᒪᑭᓐ ᐊᑐᔅᒐᐅᓐ ᐊᑐᔅᑲᔅᑕᒡ ᐛᔅᑕᐱᒪᑭᓇ ᐊᑕᐸᑭᒧᐃᒋ ᐊᓐᑕ ᓴᐱᐸᐤ ᐅᑕᓇᔪᐤ ᐃᔅᐱᔅ ᒥᓇᐃᑯᒡ᙮

ᓇᔅᑲᐱ ᑲᔭᐅᑕᓱᓇᓄᒡ ᐊᑐᔅᒐᐅᓇ – ᑕᐸᐃᑕᒡ ᑭᔭ ᐊᔭᔭᑎᓇᒡ ᐊᑐᔅᒐᐅᓂᔪᐤ ᓇᔅᑲᐱ ᑲᒪᐅᑕᐱᐃᒡ, ᐊᑐᔅᒐᐅᓇ ᐊᑐᔅᑲᔅᑕᒡ ᐊᔭᐅᑕᓱᓇᓄᒡ ᐊᓐᑕ ᓴᐱᐸᐤ ᐅᑕᓇᐤ ᐊᓐᑕ ᐊᔭᐅᑕᓱᓇᓄᒡ ᐊᔅᐱᐃᒡ ᐊᓐᑕ ᑭᔭ ᐛᒋᐱᐃᒡ ᐛᓴᒡ᙮

(https://www.transportservicesnaskapi.com/)

ᒐᐃᒧᐤ ᐅᑕᐸᓐᒋᐛᑉ – ᒐᐃᒧᐤ ᐊᒥᔅᑎᑕᐸᐃᑕᒡ ᑭᔭ ᐊᔭᔭᑎᓇᒡ ᐊᑐᔅᒐᐅᓂᔪᐤ ᐊᓐᑕ ᑲᐎᐛᓄᒋ ᐅᑕᐸᓇ ᑭᔭ ᐊᐛᔅᑕᑲᓄᒋ ᐅᑕᐸᓇ ᐊᓐᑕ ᓴᐱᐸᐤ ᑭᔭ ᒪᒃ ᐊᑐᔅᒐᐅᓇ ᐊᑎᑕᑯᓂᒋ᙮

ᓇᔅᑲᐱ ᐊᑐᔅᑲᔅᑕᑲᓄᒡ ᐃᔪᔅᒋᔾ ᐃᑕᐅᓐ – ᓇᔅᑲᐱ ᐊᑐᔅᑲᔅᑕᑲᓄᒡ ᐃᔪᔅᒋᔾ ᐃᑕᐅᓐ ᐊᒥᔅᑎᑕᐸᐃᑕᒡ ᐊᔭᔭᑎᓇᒡ ᐊᑐᔅᒐᐅᓂᔪᐤ ᐛᒋᑐᔅᒐᒪᒡ ᑯᑎᑲ ᐊᐛᐃᐛ ᐊᓐᑕ ᐃᑕᐅᓇ ᐊᑐᔅᑲᔅᑕᒡ ᒐᒂᔪᐤ ᑭᔭ ᑲᓄᑎᓯᓇᓄᒡ ᐊᑐᔅᒐᐅᓐ ᑭᔭ ᑲᓱᒋᒡ ᐊᐛᓱᓇᓄᒡ᙮ ᐊᓐᑕ ᐊᑐᔅᒐᐅᓐ ᐊᐱᒧᑯᑕᒡ ᓇᐱᑥᐤ ᑭᔭ ᓴᐱᐸᐤ ᐅᑕᓇᐛ᙮

ᐱᒥᔾ ᓇᔅᑲᐃᓄᒃ Naskinnuk ᑯᑎᑲ ᐛᒋᑐᔅᒪᑐᒡ ᓇᔅᑲᐱ, ᐛᓴᐎᔪᒡ ᐃᓄᐤ ᑭᔭ ᐃᔅᒋᒪᐅᒡ, ᐊᐅᑯᓐ ᒥᑯ ᐱᒥᔾ ᐊᑕᐛᒐᒡ ᐊᓐᑕ ᓴᐱᐸᐤ ᐃᑕᐅᓂᒡ᙮

ᐊᔅᒋᒪᓐ ᐊᑐᔅᒐᐅᓐ Beton Naskinnu – ᐊᔅᒋᒪᓐ ᐊᑐᔅᒐᐅᓐ Beton Naskinnu ᐛᒋᑐᔅᒐᒪᒡ ᑯᑎᑲ ᑲᐱᓂᔾ ᐊᔅᒋᒪᓐ ᐊᑐᔅᒐᐅᓐ ᐊᓐᑕ ᐊᑐᔅᒐᐅᓐ ᐊᑐᑕᑲᓄᒡ ᐊᓐᑕ ᓴᐱᐸᐤ ᐃᑕᐅᓇ ᒪᒂᒡ ᐊᓐᑕ ᐊᓂᐱᓂᒡ ᐊᒪᓂᑲᓄᒡ ᐊᑐᔅᒐᐅᓐ ᐊᒋᒋᐱᐃᒋ᙮

ᒋᐛᑎᓐ ᐃᔅᑯᑕᐅᑕᐸᓐ ᑲᔭᐅᑕᓱᓇᓄᒡ ᐊᑐᔅᒐᐅᓐ – ᒋᐛᑎᓐ, ᐛᒋᑐᔅᒐᒪᑲᓄᑦ ᐊᓂᔭ ᐛᓴᐎᔪᒡ ᐃᓄᐤ ᐃᔪᔅᒋᔭ, ᐃᔅᑯᑕᐅᑕᐸᓐ ᐊᐛᓐᒋ ᒐᒋ ᐊᐳᓯᒡ ᑭᔭ ᐊᔭᐅᑕᓱᓇᓄᒡ ᐊᓐᑕ ᐛᓴᒡ ᐊᔅᐱᐃᒡ ᑭᔭ ᑲᐤ ᐊᐸᐸᒡ ᐊᓐᑕ ᓴᐱᐸᐤ ᐊᓯᑯᒻ ᐱᐳᓐ (https://www.tshiuetin.net/)

ᒪᓂᑭᓐ ᑕᐛᐅᒋᐛᑉ – ᒪᓂᑭᓐ ᑕᐛᐅᒋᐛᑉ ᐊᑕᐱᑎᒡ ᒥᒋᒻ ᐊᑕᐛᑲᓄᒡ ᐊᓐᑕ ᑲᐛᐛᒋᑲᒪᒡ ᐊᑎᐸᐃᑕᒡ ᑭᔭ ᐊᔭᔭᑎᓇᒡ ᐊᑐᔅᒐᐅᓂᔪᐤ ᓇᔅᑲᐱ ᑲᒪᐅᑕᐱᐃᒡ᙮

ᒪᐎᔭ ᓇᔅᑲᐱ ᐅᑕ ᑲᐛᐛᒋᑲᒪᒡ ᐊᑐᔅᒐᐅᓇ, ᒥᔅᑯᒡ ᒐᒥᔅᑲᒪᒄ ᐊᔭᐱᓴᓯᒋ ᐊᑐᔅᒐᐅᓇ ᐃᔪᒋᒪᑲᓐᒡ ᐊᔭᔭᑎᓇᒡ ᐊᓐᑕ ᐛᒋᑐᔅᑲᔅᑐᐛᑲᓄᒡ ᐃᔪᒡ ᒧᔭᒻ ᓇᔅᑲᐱ ᑲᐱᒋᐱᒪᓄᒡ, ᓇᔅᑲᐱ ᐅᑕᐸᓐᒋᐛᑉ, ᒥᒍᐅᒋᐛᑉ, ᓴᒋᐃᑐᐅᓐ ᐊᐛᓴᒡ ᐊᑲᓄᐛᔅᒐᓄᒡ, ᓇᔅᑲᐱ ᐊᐧᑯᓯᔪᐅᒋᐛᑉ; ᑭᔭ ᐱᔅᒐ ᑎᐸᓐ ᐛᒋᑐᔅᑲᔅᑕᑲᓄᒋ ᒧᔭᒻ ᐊᐱᓴᓯᒋ ᑕᐛᐅᒋᐛᐸ, ᑲᐱᔾ ᐊᒥᓇᓄᒡ, ᑐᐱᓴ ᑭᔭ ᑯᑎᒃ ᐊᔅᑕᒋᒪᑲᓄᒡ ᐊᐛᓐᒋ ᐛᔨᑐᑕᒡ ᑭᔭ ᑯᔅᒋᒂᓱᐅᓇ ᐊᑕᐛᒐᓄᒡ ᑕᐛᐅᒋᐛᑉ᙮

ᑐᐎᔅ ᐃᔨᒧᐅᓐ ᐎᓇᑐᔅᒐᐃᑎᒪᒄ ᐅᔭ ᐊᑐᔅᒐᐅᓇ, ᒐᓇᑐᑲᔅᑎᓇᒃ ᓇᔅᑲᐱ ᐊᑐᔅᒐᐅᓐ ᒥᓯᓇᐃᑭᒋᐛᑉ ᐛᒋᑐᔅᑲᔅᑕᑲᓄᒡ᙮