ᒥᒋᐛᐸ HOUSING

ᓇᔅᑲᐱ ᒥᒋᐛᐸ ᒥᓯᓇᐃᑭᒋᐛᑉ ᐊᑐᔅᑲᔅᑕᒡ ᒥᒋᐛᐸ ᐊᓄᑕᐱᐃᒋ ᐅᑕ ᑲᐛᐛᒋᑲᒪᒡ᙮ ᐊᓐᑕ ᐊᑎᑯᑕᒡ ᒪᒧ ᐛᒋᑐᔅᒐᒪᑲᓄᒡ ᐅᑕᐸᓐᒋᐛᑉ ᐃᔪᔅᒋᔭ ᐊᑐᔅᑲᔅᑕᑲᓄᒡ ᐅᑕ ᑲᐛᐛᒋᑲᒪᒡ, ᒐᒋ ᔭᔅᑯᔅᑕᒡ ᑭᔭ ᒐᒂᓐ ᒐᐛᔅᑕᑲᓄᒡ ᑭᔭ ᒪᓂᑲᓄᒡ ᐊᓐᑕ ᐃᔪᔅᒋᒡ ᑕᑯᓂᒋ ᒥᒋᐛᐸ᙮ ᐊᓐᑕ ᐛᒋᑐᔅᒐᒥᑯᒡ ᒥᒋᐛᐸ ᑲᒪᒧᐎᓇᓄᐃᒡ ᐊᐱᔅᑎᒥᒋ, ᓄᑎᒻ ᒥᒋᐛᐸ ᐸᔅᑎᓇᑲᓄᒋ, ᐊᓐᑐᐛᐃᑕᑲᓄᒋ ᒥᒋᐛᐸ, ᐊᐛᔅᑕᑲᓄᒋ ᒥᒋᐛᐸ ᐊᓯᐱᒧᑕᓄᒡ ᑭᔭ ᐊᔅᑕᐃᑕᒂᒡ ᒐᒋ ᐛᔅᑕᑲᓄᒡ᙮

ᐊᑐᔅᒐᐅᓐ ᒐᒋ ᐎᑲᐳᐎᑕᑲᓄᒡ ECONOMIC DEVELOPMENT

ᓇᔅᑲᐱ ᐛᐎᑲᐳᐎᑕᑲᓄᒡ ᐊᑐᔅᒐᐅᓐ ᒥᓯᓇᐃᑭᓐᒋᐛᑉ (NEDD) ᐛᔅᑕᐱᑎᒡ ᓇᔅᑲᐱ ᐊᑐᔅᑲᔅᑕᑲᓄᒡ ᐊᑐᔅᒐᐅᓐ᙮ ᒥᓯᓇᐃᑭᓐᒋᐛᑉ ᑕᑯᓂᒡ ᑕᑐᐎᒡ ᐊᓱᐛᐎᒐᐅᓯᒡ ᐊᒋᑕᐸᑕᑲᓄᒡ ᒐᐃᔅ ᒥᔪᑯᑕᒡ ᓇᔅᑲᐱ ᐊᑐᔅᒐᐅᓐ ᒐᒋ ᔭᔭᑎᓇᑲᓄᒡ ᑭᔭ ᒥᔪᐱᒪᑎᓯᔪᐅᓐ ᐊᓐᑕ ᓄᑎᒻ ᐃᔪᒡ᙮ ᐊᑐᔅᒐᐅᓐ ᐛᐎᑲᐳᐎᑕᑲᓄᒡ ᐊᒥᓴᒡ ᐊᑕᐧᑲᓄᒡ ᒥᒐᑦ ᐃᔪᔅᒋᔭ ᒐᒋ ᐃᔪᒥᑲᒡ᙮ ᒪᐎᔭ ᒥᔅᒐ ᐊᒋᑕᐸᑕᑲᓄᒡ ᐊᑐᔅᑲᔅᑕᑲᓄᒋ ᐊᓐᑕ ᒥᓯᓇᐃᑭᓐᒋᐛᐱᒡ:

ᐃᔪᔅᒋᒡ ᐊᑐᔅᒐᐅᓐ ᐎᒋᒋᐱᑕᑲᓄᒡ Local entrepreneurship

ᓇᔅᑲᐱ ᐛᐎᑲᐳᐎᑕᑲᓄᒡ ᐊᑐᔅᒐᐅᓐ ᒥᓯᓇᐃᑭᓐᒋᐛᑉ (NEDD) ᐛᑐᔅᑲᔅᑕᒡ ᒐᒋ ᐎᑲᐳᐎᑕᒡ ᑭᔭ ᐊᓯᒋᒪᒡ ᐊᐳᑯᓴᐃᑕᒡ ᑭᔭ ᒋᒥᑕᑲᓄᒋ ᐊᑐᔅᒐᐅᓇ ᐊᓐᑕ ᐃᔪᔅᒋᒡ ᐊᐛᓐ ᒐᒋ ᒋᒋᐱᑎᓱᑦ᙮ ᒐᒋ ᒋᒋᐱᑕᑲᓄᒡ, ᐊᓐᑕ ᒥᓯᓇᐃᑭᓐᒋᐛᐱᒡ ᐊᑐᔅᒐᐅᓐ ᐊᒋᑕᐸᑕᑲᓄᒡ ᐎᒋᒋᐱᑕᑲᓄᒡ ᐊᑎᒂᒡ ᒐᒋ ᐅᒡ ᐛᐎᒐᑲᓄᒡ ᓇᔅᑲᐱ ᐃᔪᒡ ᐊᓐᑕ ᐛᒋᒋᐱᑕᒡ ᐊᑐᔅᒐᐅᓂᔪᐤ ᑭᔭ ᒪᒃ ᐊᓄᑕᐱᐃᒡ ᒐᒋ ᐅᒡ ᐛᐎᒐᑲᓄᒡ ᐛᐎᑲᐳᐎᑕᒡ ᐊᑐᔅᒐᐅᓂᔪᐤ᙮ ᐊᓐᑕ ᐊᐛᐎᒋᐛᓄᒡ ᒐᒋ ᐊᓐᑕ ᑎᑯᓐ ᓱᓇᔭᐤ ᒐᒋ ᑲᔅᑎᓇᑲᓄᒡ ᐊᓐᑕ ᓇᔅᑲᐱ ᐃᔪᔅᒋᒡ ᐛᒋᒥᑕᑲᓄᒡ ᐊᑐᔅᒐᐅᓐ ᑲᒪᒧᐎᓇᓄᒡ ᑭᔭ ᒪᒃ ᒐᒋ ᐛᐎᒋᐛᓄᒡ ᑭᔭ ᐃᔨᒧᐅᓐ ᐎᓇᑐᔅᒐᐃᑕᑲᓄᒡ, ᐊᔅᑎᒋᑕᑲᓄᒡ ᐃᔨᒧᐅᓐ ᒥᓯᓇᐃᑭᓐ ᒐᒋ ᐃᑎᓴᒺᑲᓄᒡ ᐊᐛᓐᒋ ᒐᒋ ᐎᒋᑐᔅᒐᒪᑲᓄᒡ ᒐᒋ ᐅᒡ ᐛᐎᒋᐛᒡ ᑭᔭ ᑯᑎᑲᒡ ᒥᓯᓇᐃᑭᓐᒋᐛᐸ ᒐᒋ ᓱᓇᔭᐤ ᑯᒂᒋᒐᒧᐅᓇᓄᒡ ᒐᒋ ᐎᒋᐛᓄᒡ᙮ ᐊᓐᑕ ᐛᑐᔅᑲᔅᑎᒪᒡ ᐊᓐᑕ ᓇᔅᑲᐱ ᒐᒋ ᐎᑲᐳᐎᑕᒡ ᐊᑐᔅᒐᐅᓂᔪᐤ ᑭᔭ ᒐᒋ ᒥᔪᑯᑕᐃᒡ ᐊᓐᑕ ᐛᑕᐛᒐᓄᒡ ᒐᒂᓐ ᐊᓐᑕ ᐊᓯᓄᑕᐱᐃᒡ ᐃᔪᔅᒋᒡ ᑭᔭ ᐎᐎᑎᒥᒡ ᑭ ᒐᒋ ᒥᔪᐱᐃᒡ ᐊᓐᑕ ᐃᔪᔅᒋᒡ ᐊᒋᑕᐸᑕᑲᓄᒡ ᒥᔪᐱᒪᑎᓯᔪᐅᓐ᙮

ᐊᔅᑎᑯᒪᑎᓱᓇᓄᒡ ᐊᑐᔅᒐᐅᓐ ᑭᔭ ᐱᒧᑯᑕᒡ ᐎᑲᐳᐎᑕᑲᓄᒡ ᐊᑐᔅᒐᐅᓐ Training and Employability

ᐊᑎᒂᒡ ᐊᓐᑕ ᓇᔅᑲᐱ ᐛᐎᑲᐳᐎᑕᑲᓄᒡ ᐊᑐᔅᒐᐅᓐ ᒥᓯᓇᐃᑭᓐᒋᐛᑉ (NEDD) ᐅᑎᑐᔅᒐᐅᓄᐛᐤ ᒐᒋ ᐛᐎᒐᒡ ᓇᔅᑲᐱ ᐃᔪᐛ ᐊᓐᑕ ᒐᒋ ᓇᑐᒥᔅᑲᒥᒋ ᐊᑐᔅᒐᐅᓂᔪᐤ ᑭᔭ ᒪᒃ ᐊᑐᔅᒐᐅᓇ ᑭᔭ ᒐᒋ ᒥᔪᑯᑕᔨᒡ ᐅᐱᒪᑎᓯᔪᐅᓂᔪᐤ ᐊᑐᔅᒐᐅᓂᔪᐤ ᐊᑐᔅᑲᔅᑎᒥᒋ ᑭᔭ ᒐᒋ ᐛᐸᑎᐛᓄᒡ ᐊᔅᒐᐃᑎᒧᐅᓐ᙮ ᐊᓐᑕ ᒐᒋ ᐊᑐᑕᑲᓄᒡ, ᐊᓐᑕ ᒥᓯᓇᐃᑭᓐᒋᐛᐱᒡ ᐛᒪᒧᔅᑕᒡ ᐃᔨᒧᐅᓂᔪᐤ ᐎᐎᐱᐃᒡ ᐊᑐᔅᒐᐅᓐ ᒐᒂᓐ ᐊᓄᑕᐱᐃᒡ ᑭᔭ ᐊᑐᔅᒐᐅᓐ ᐊᓐᑕ ᐊᑐᑕᑲᓄᒡ ᐃᑕᐅᓂᒡ᙮ ᓇᔅᑲᐱ ᐛᐎᑲᐳᐎᑕᑲᓄᒡ ᐊᑐᔅᒐᐅᓐ ᒥᓯᓇᐃᑭᓐᒋᐛᑉ (NEDD) ᒐᒋ ᐛᐎᒐᐅᒡ ᐃᔪᐛ ᐊᓐᑕ ᐎᑎᒺᒡ ᐊᓐᑕ ᐊᑐᔅᒐᐅᓂᔪᐤ ᐛᐎᐎᐱᐃᒡ, ᒐᒋ ᐛᐎᒐᒡ ᐊᓐᑕ ᐊᓴᑭᔅᒋᑎᒥᒋ ᐊᑐᔅᒐᐅᓐ ᒥᓯᓇᐃᑭᓂᔪᐤ ᑭᔭ ᑲᐸᒡ ᐃᓯᑐᔅᒐᐃᒋ ᑭᔭ ᐊᔅᑯᑎᒧᐛᒡ ᐊᓐᑕ ᒐᒋ ᑯᒂᒋᒐᒧᐃᒋ ᓱᓇᔭᔪᐤ ᒐᒋ ᐛᐎᒐᑲᓄᐃᒋ ᐊᓐᑕ ᓇᔅᑲᐱ ᐊᑐᔅᒐᐅᓐ ᐊᔅᑯᑎᒪᑎᓱᓇᓄᒡ ᑲᒪᒧᐎᓇᓄᒡ᙮

ᐊᑐᔅᒐᐅᓇ ᑭᔭ ᐊᒪᒥᓴᔨᒋ ᐊᑐᔅᒐᐅᓇ ᒐᒋ ᐅᒡ ᐊᑐᔅᒐᒥᑐᓇᓄᒡ Business and Industry Relations

ᓇᔅᑲᐱ ᐛᐎᑲᐳᐎᑕᑲᓄᒡ ᐊᑐᔅᒐᐅᓐ ᒥᓯᓇᐃᑭᓐᒋᐛᑉ (NEDD) ᔭᐱᒡ ᐛᑐᑕᒡ ᐊᓐᑕ ᒐᒋ ᒥᔪᑯᑕᔨᒡ ᓇᔅᑲᐱ ᐊᑐᔅᒐᐅᓐ ᐊᔭᔭᑎᓇᑲᓄᒡ ᒐᒋ ᐊᓐᑕ ᐅᒡ ᐛᐎᒐᐅᓯᒡ ᐊᓐᑕ ᓄᑎᒻ ᐊᑐᔅᒐᐅᓐ ᐊᑐᔅᑲᔅᑕᑲᓄᒡ ᐊᓐᑕ ᐊᑐᑕᑲᓄᒋ ᓇᔅᑲᐱ ᓄᔅᒋᔪᔅᒋᒡ᙮ ᒐᒋ ᐊᑐᑕᑲᓄᒡ, ᐊᓐᒡ ᓇᔅᑲᐱ ᐛᐎᑲᐳᐎᑕᑲᓄᒡ ᐊᑐᔅᒐᐅᓐ ᒥᓯᓇᐃᑭᓐᒋᐛᑉ (NEDD) ᑲᑐᑕᒡ ᒐᒋ ᑎᑯᓂᒡ ᒪᒧ ᐅᒡ ᐊᑐᔅᒐᒥᑐᓇᓄᒡ ᐊᓐᑕ ᑕᑎᐸᓐ ᐊᑐᔅᒐᐅᓐ ᐊᓯᓇᒂᒡ ᐊᓐᑕ ᐃᑕᐅᓂᒡ᙮ ᐊᓐᑕ ᒪᒧ ᐅᒡ ᐊᑐᔅᒐᒥᑐᓇᓄᒡ, ᒪᒧ ᐊᑐᔅᑲᔅᑕᑲᓄᒡ ᓂᔅᑯᒧᐅᓐ ᑭᔭ ᐊᓯᐱᒧᑕᓄᒡ ᒐᒋ ᑎᒂᒡ ᐃᔨᒧᐅᓐ ᐊᓱᐱᔅᑎᓂᒪᑐᓇᓄᒡ, ᓇᔅᑲᐱ ᐛᐎᑲᐳᐎᑕᑲᓄᒡ ᐊᑐᔅᒐᐅᓐ ᒥᓯᓇᐃᑭᓐᒋᐛᑉ (NEDD) ᒐᒋ ᑎᒂᒡ ᒐᒋ ᒥᔪᔅᒐᐃᑕᑯᓂᒡ ᓇᔅᑲᐱ ᒐᐊᑲ ᒥᑯ ᐛᐎᒋᑯᒡ ᓇᔅᑲᐱ ᐊᓐᑕ ᐊᑐᔅᒐᐅᓇ ᒥᔅᑯᒡ ᒐᒋ ᑎᑯᓂᒡ ᐅᑎᐳᐅᓄᐛᐤ ᒐᒋ ᐱᔅᑕᒡ ᐊᒪᒧᐎᓇᓄᐃᒡ ᑭᔭ ᒐᒋ ᐊᓐᑐᐛᐸᑎᒧᒡ ᒐᒋ ᑐᐎᔅ ᐊᑐᔅᒐᐅᓐ ᒐᒋ ᐎᑲᐳᐎᑕᑲᓄᒡ ᐊᓐᑕ ᒐᒋ ᐅᔅᑕᐱᑎᓂᒡ ᐊᔅᐱᑕᐃᑕᑯᓂᒡ ᓇᔅᑲᐱ ᐃᑐᐅᓐ ᑭᔭ ᐱᒪᑎᓯᔪᐅᓐ᙮

ᓇᔅᑲᐱ ᑲᒪᑯᓄᐛᓯᒡ Naskapi Police Force

ᓇᔅᑲᐱ ᑲᒪᒧᓄᐛᓯᒡ ᐊᑐᔅᑲᔅᑕᒡ ᒐᐊᑲ ᑎᒂᒡ ᐊᐅᓱᑯᐅᓇᓄᒡ, ᐊᓇᑲᑐᐛᐃᑕᑲᓄᒡ ᑭᔭ ᐊᑭᓄᐛᑕᑲᓄᒡ ᐱᒪᑎᓯᔪᐅᓐ ᑭᔭ ᐃᔪᔅᒋᔾ ᐊᓇᑲᑐᐛᐃᑕᑲᓄᒡ ᐱᒪᑎᓯᔪᐅᓐ ᐅᑕ ᑲᐛᐛᒋᑲᒪᒡ᙮

ᓇᔅᑲᐱ ᐅᑕᐸᓐᒋᐛᑉ ᐃᔪᔅᒋᔾ ᐊᑐᔅᑲᔅᑕᑲᓄᒡ Department of Public Works

ᓇᔅᑲᐱ ᐅᑕᐸᓐᒋᐛᑉ ᐃᔪᔅᒋᔾ ᐊᑐᔅᑲᔅᑕᑲᓄᒡ (“DPW”) ᐊᐛᑕᐸᑕᑦ ᒐᒂᓐ ᐊᑐᑕᑲᓄᒡ ᐱᑎᓱ ᐃᔪᔅᒋᒡ ᐊᓐᑕ ᑲᐛᐛᒋᑲᒪᒡ᙮ ᐊᓐᑕ ᐊᓄᒡ ᓂᓱᐎᒡ ᐊᓐᑕ ᐛᔅᑕᐱᓯᓂᒡ ᒐᒂᓂᔪᐤ ᐊᑐᔅᑲᔅᑕᒡ;

1. DPW ᓇᔅᑲᐱ ᐅᑕᐸᓐᒋᐛᑉ ᐃᔪᔅᒋᔾ ᐊᑐᔅᑲᔅᑕᑲᓄᒡ, ᐊᑐᔅᑲᐛᒐᓄᒡ ᐊᑐᔅᒐᐅᓐ (“O&M”)

2. DPW ᓇᔅᑲᐱ ᐅᑕᐸᓐᒋᐛᑉ ᐃᔪᔅᒋᔾ ᐊᑐᔅᑲᔅᑕᑲᓄᒡ, ᐊᑐᔅᒐᐅᓐ ᐊᑐᔅᑲᔅᑕᑲᓄᒡ ᐃᔪᔅᒋᔾ, ᑯᑎᑲ ᐊᑐᔅᒐᐅᓇ

ᐃᔪᔅᒋᒡ᙮ (“ᐊᑐᔅᒐᐅᓇ”)

ᐊᑐᔅᑲᔅᑕᑲᓄᒡ ᐃᔪᔅᒋᔾ ᐊᓐᑕ ᐊᑐᔅᒐᐅᓐ ᐊᑐᑕᑲᓄᒡ ᒥᒋᐛᐸ ᑭᔭ ᐊᑐᔅᒐᐅᓐ ᐊᐱᒋᑕᐅᓇ, ᒥᓯᓇᐃᑭᓐᒋᐛᐸ, ᓂᐱᔾ ᑭᔭ ᒧᒐᐳᐎᔾ ᐊᑐᔅᒐᐅᓐ, ᑲᐛᐛᒋᒪᑲᒡ ᒪᔅᑲᓄᐛ, ᐅᑕᐸᓇ ᑭᔭ ᑲᓱᒋᒡ, ᑯᐸᒃ ᒪᔅᑲᓄᐤ ᐊᑐᔅᒐᐅᓐ ᐃᔅᐱᔅ ᐅᑕᓇᒡ, ᑲᒋᑲᔭᒡ ᒪᔅᑲᓄᐤ, ᐛᐱᓇᓱᐅᓐ ᐊᑐᔅᒐᐅᓐ᙮

ᐊᑐᔅᒐᐅᓇ ᐊᓐᑕ ᓄᑎᒻ ᐊᐛᑕᐸᑕᒡ ᐊᒪᓂᑲᓄᒡ ᐊᑐᔅᒐᐅᓐ ᐊᓐᑕ ᐊᔅᑎᒋᑕᑲᓄᒡ ᒥᒋᐛᐸ ᐊᒋᒥᑕᑲᓄᒋ(“HB Projects”), ᐃᔪᔅᒋᔾ ᐊᑐᔅᑲᔅᑕᑲᓄᒡ ᑭᔭ ᑎᐸᓐ ᓱᓇᔭᐤ ᐊᑐᔅᒐᐅᓐ ᐊᒋᒋᐱᑕᑲᓄᒡ᙮

ᓇᔅᑲᐱ ᐅᑕᐸᓐᒋᐛᑉ ᐃᔪᔅᒋᔾ ᐊᑐᔅᑲᔅᑕᑲᓄᒡ (“DPW”) ᔭᐱᒡ ᑲᓄᐛᐃᒪᒡ ᑲᐛᐎᒐᐃᓯᒋ ᐊᓐᑕ ᐃᔪᒋᒪᑲᓂᒡ, ᑲᑎᐸᐃᒐᒡ Bruser & Associates Inc., ᐊᓐᑕ ᐊᐛᐎᒋᐛᒡ ᐊᑐᔅᑲᐛᒐᓄᒡ ᓱᓇᔭᐤ ᐃᔪᔅᒋᒡ ᑭᔭ ᑯᑎᑲ ᐊᑐᔅᒐᐅᓇ᙮