ᓂᔭᓐ, ᓇᔅᑲᐱ ᐃᔪᒡ ᑲᐸᒡ ᐱᒪᑎᓯᔭᒡ ᐅᑕ ᐊᔅᒋᒡ ᐊᓄᒡ ᐊᓱᐎᒍᑕᑲᓄᒡ ᒋᐛᑎᓄᒡ ᑯᐸᒃ ᑭᔭ ᓇᐱᑥᐤ ᑲᐃᔅᐱᔅ ᐱᒪᑎᓯᔪᐅᓐ ᐱᒧᑯᑕᒡ᙮ ᓂᑲᓂᓯᓇᒡ ᓄᑎᒻ ᐊᓐᑕ ᐊᔅᒋᔪᐤ ᑲᐸᒡ ᐱᒧᑕᒡ, ᑲᐅᒡ ᐱᑲᔅᒋᑎᓱᒡ ᐊᔅᒋᔪᐤ ᑭᔭ ᑲᓇᓴᐛᒡ ᐊᑎᒂ ᐊᓐᑕ ᑲᐅᒡ ᐱᑲᔅᒋᐛᒡ ᐊᓐᑕ ᐊᔅᒋᔪᐤ ᑲᐸᒡ ᐊᓐᑐᐅᒡ᙮ ᐊᓐᑕ 1950 ᐱᐳᓇ, ᑲᒥᔅᑯᒋᐱᐃᒡ ᐅᐱᒪᑎᓯᔪᐅᓄᐛᐤ ᐊᓐᑕ ᐱᔅᒐ ᓇᔅᑲᐱ ᑲᑕᔭᑲᓄᒡ ᑈᓐ ᒐᔨᒧᐤ ᐊᓐᑕ ᓴᐱᐸᐤ ᐃᑕᐅᓂᒡ᙮ ᐊᓐᑕ ᑲᑕᔨᑯᔭᒡ ᑲᐛᐛᒋᑲᒪᒡ ᑲᐃᔅᐱᐃᒡ ᐊᓐᑕ 1980 ᐱᐳᓐ᙮
ᓇᔅᑲᐱ ᐃᔪᒡ ᐅᑕ ᑯᐸᒃ ᑲᐎᑲᐳᐎᑕᑲᓄᒡ ᐊᓐᑕ 1984 ᐱᐳᓐ ᐊᓐᑕ ᑲᑎᒂᒡ ᓇᔅᑲᐱ ᐎᓱᐛᐅᓐ, ᑲᐃᓯᓇᑯᓯᔭᒡ ᑭᔭ ᒋᒥᔅ ᐱ ᐃᔪᔅᒋᔭ ᑲᔭᔭᑎᓐᑎᓱᒡ ᐃᔪᒡ ᐅᑕ ᑲᓇᑕ᙮ ᐊᓐᑕ ᐊᓱᐎᒍᑎᑯᔭᒡ ᑲᔭᑎᔅᑕᑲᓄᒡ ᓇᔅᑲᐱ ᐃᔪᒡ ᐅᑕ ᑲᐛᐛᒋᑲᒪᒡ ᐊᓐᑕ 1999 ᐱᐳᓐ᙮
ᐃᔪᒋᒪᐤ ᑭᔭ ᐃᔪᒋᒪᑲᓐ: Chief & Council:
ᐊᔅᑯᑎᒪᑎᓱᐅᓐ ᑭᔭ ᐊᑐᔅᒐᐅᓐ, ᒋᔅᒋᑯᒡ ᒐᒂᓐ ᐃᔅᐱᐃᒡ ᐊᔭᔅᑯᐎᓇᓄᒡ, ᐃᔪᐤ ᐃᑐᐅᓐ ᑭᔭ ᐃᔪᐤ ᐃᔨᒧᐅᓐ
ᒋᑕᐱᒥᑎᓱᐅᓐ Vision:
ᐊᐸᐃᑯᒋᒡ ᐃᔪᒡ ᐊᒥᔽᐃᑕᒡ ᐃᔪᒡ ᒪᒧ ᐛᒋᑐᔅᒐᒥᑐᒡ ᐊᔭᔭᑎᓐᑎᓱᒡ, ᒥᔪᐱᒪᑎᓯᔪᓐ, ᐃᔪᐤ ᐱᒪᑎᓯᔪᐅᓐ ᓇᓐᑎᒪᒋᐱᐃᒡ
ᒪᔅᑲᓄᐤ ᐛᐱᐧᑯᒋᑕᑲᓄᒡ Mission:
ᒐᒋ ᑎᒂᒡ ᓱᒐᐃᑎᒧᐅᓐ ᑎᐃᔨᒥᓇᒡ ᒐᒋ ᐊᑐᔅᑲᔅᑐᒋᒡ ᑭᔭ ᐊᑐᔅᑲᔅᑎᓱᒡ ᓇᔅᑲᐱ ᐃᔪᒡ, ᒐᒋ ᐎᑲᐳᐎᑎᓱᔭᒡ ᐊᓐᑕ ᐊᔅᑯᑎᒪᑐᐅᓐ ᐃᔪᐤ ᐃᔨᒧᐅᓐ, ᐃᔪᐤ ᐃᑐᐅᓐ, ᑭᔭ ᐅᒋᒪᐅᓐ ᒐᒋ ᑎᒂᒡ ᒥᔪᐱᒪᑎᓯᔪᐅᓐ᙮
Values: ᐊᔅᑕᔨᑎᒧᐅᓐ
Respect ᐃᔅᐱᑕᐃᒥᑐᐅᓐ
Well-being ᒥᔪᐱᒪᑎᓯᔪᐅᓐ
Accountability ᓱᒐᐃᑎᒧᐅᓐ
Resiliency ᓱᒋᔪᐅᓐ
Empowerment ᓱᒐᐃᑎᒧᐅᓐ
ᓇᔅᑲᐱ ᐊᔭᔭᑎᓐᑎᓱᓇᓄᒡ Naskapi Self-Government
ᓇᔅᑲᐱ ᐃᔪᒋᒪᑲᓐᒡ ᐅᑕ ᑲᐛᐛᒋᑲᒪᒡ ᓴᔅ ᒪᒧ ᐊᓇᑎᐱᔅᑐᐛᒡ ᑲᓇᑕ ᐊᑐᐛ ᒋᓴᐅᒋᒪᑲᓇ ᒐᒋ ᐎᑲᐳᐎᑕᒡ ᐃᔪᐤ ᒋᓴᐅᒋᒪᑲᓇ ᓂᔅᑯᒧᐅᓂᔪᐤ ᑭᔭ ᒐᒋ ᑲᓄᐛᐃᑕᒡ ᒋᓴᐅᒋᒪᑲᓇ ᒐᒋ ᐛᑎᓯᒥᑎᓱᒡ᙮ ᐊᓯᓇᒂᒡ, ᒋᔭᓐ ᐊᓐᑕ ᐛᒋᔭᔭᑎᓐᑎᓱᔭᐤ ᐊᓐᑕ ᓇᔅᑲᐱ ᐎᓱᐛᐅᓂᒡ, ᒥᔅᑯᒡ ᐊᐅᑯᑦ ᐊᓐᑕ ᑲᐱᒋᑎᒺᑲᓄᒡ ᓇᔅᑲᐱ ᐃᔪᒋᒪᑲᓐᒡ ᑭᔭ ᒪᒂᒡ ᐊᓐᑕ ᐎᐃᐛᐤ ᒐᒋ ᐅᒡ ᐛᐎᒋᑯᒡ ᓇᔅᑲᐱ ᐃᔪᒡ᙮ ᐊᑎᒂᒡ ᐊᓐᑕ ᒐᒋ ᐃᓯᐱᒧᑕᓄᒡ ᒐᒋ ᐎᑲᐳᐎᑕᑲᓄᒡ ᒐᒂᓐ ᐊᓐᑕ ᒐᒋ ᒥᔪᔅᑲᑯᒡ ᓇᔅᑲᐱ, ᑭᔭ ᐊᓐᑕ ᐊᔅᑕᐃᑕᒂᒡ ᐊᓐᒡ ᓇᔅᑲᐱ ᐃᔪᒡ ᒐᒋ ᐎᑲᐳᐎᑕᒡ᙮ ᓇᔅᑲᐱ ᐃᔪᒡ ᒪᒪᑎᓄᐤ ᒥᒐᑦ ᑲᐃᔅ ᒥᔅᑯᒋᐱᒡ ᑭᔭ ᐅᐱᒪᑎᓯᔪᐅᓄᐛᐤ ᑲᐃᔅᐱᔅ ᐅᔅᑲᒡ ᓂᔅᑯᐛᒡ ᑲᐛᐱᓯᒋ᙮ ᓴᔅ ᑲᒥᔅᑐᓂᑎᒪᒡ ᒥᒐᑦ ᐃᔪᐤ ᐃᑐᐅᓐ ᐱᒪᑎᓯᔪᐅᓐ ᑭᔭ ᐊᔅᒐᐃᑎᒧᐅᓐᒥᔅᑯᒡ ᒪᒧ ᑲᐤ ᒐᒋ ᐊᓐᑐᐛᐸᑕᑲᓄᐤ ᐃᔪᐤ ᐃᑐᐅᓐ ᐱᒪᑎᓯᔪᐅᓐ᙮
ᓇᔅᑲᐱ ᐃᔪᒋᒪᑲᓐᒡ ᐊᓐᑐᐛᐃᑎᒪᑯᓂᒡ ᓇᔅᑲᐱ ᐃᔪᐛ ᐅᑎᔨᒧᐅᓂᔪᐤ ᐎᑲᐳᐎᑕᑲᓄᐃᒡ ᐃᔪᐤ ᒋᓴᐅᒋᒪᑲᓐ ᐎᓱᐛᐅᓂᔪᐤ ᑭᔭ ᑲᑐᔅᑲᔅᑕᑲᓄᒡ ᐃᔪᐤ ᑎᐱᐛᐅᓯᔪᐅᓐ ᑎᐸᐃᑎᒧᐅᓐ ᒐᒋ ᔭᔭᑎᓐᑎᓱᓇᓄᒡ᙮ ᐊᔅᑯ ᐊᓐᑕ ᐊᒥᓴᒡ ᒐᒋ ᐊᑐᔅᑲᔅᑕᑲᓄᒡ ᒐᐎᑐᑕᑲᓄᒡ ᒥᔅᑯᒡ ᐊᔅᑕᐃᑕᒂᒡ ᐊᑐᔅᒐᐅᓐ ᒐᒋ ᐊᑐᑕᑲᓄᒡ᙮ ᐊᓐᑕ ᑐᐎᔅ ᐃᔨᒧᐅᓐ ᐎᓇᑐᑭᒐᔅᒐᐃᑕᑲᓄᒡ ᐊᓐᑕ ᓇᔅᑲᐱ ᒋᓴᐅᒋᒪᑲᓐ ᐊᔭᔭᑎᓐᑎᓱᓇᓄᒡ ᑭᔭ ᒐᒋ ᐊᔅᑎᒋᒥᑎᓱᓇᓄᒡ ᐅᐛ ᐛᐎᑲᐳᐎᑕᑲᓄᒡ, ᐊᓐᑕ ᒐᒋ ᐊᓐᑐᔅᒐᐃᑎᒪᒄ ᐃᔨᒧᐅᓐ ᓇᔅᑲᐱ ᐃᔪᒡ ᐅᑕ ᑲᐛᐛᒋᑲᒪᒡ ᒋᓴᐅᒋᒪᑲᓐ ᐊᔭᔭᑎᓐᑎᓱᓇᓄᒡ ᐛᑐᔅᑲᔅᑕᑲᓄᒡ (nnkengagement.ca)
