ᓇᔅᑲᐱ ᐃᔪᒡ ᐅᑕ ᑲᐛᐛᒋᑲᒪᒡ ᐊᓐᑕ ᐊᑎᒂᒡ 16 km ᐊᓐᑕ ᒋᐛᑎᓄᒡ ᐛᐱᓄᑕᒡ ᐅᑕᓇᒡ ᓴᐱᐸᐤ ᐊᓐᑕ ᑯᐸᒃ ᑭᔭ ᓇᐱᑥᐤ ᐃᑕᐅᓂᒡ, ᑭᔭ ᓴᓯᑲᓐ 1,056 ᐊᑕᑎᓯᒡ ᓇᔅᑲᐱ ᐊᔅᑎᓯᓇᑕᐛᑲᓄᒡ᙮

ᐊᓐ ᐃᔪᔅᒋᔾ ᐊᒋᒥᑕᒡ ᐊᓐᑕ 16 ᐊᔅᐱᓴᒡ ᐊᑎᒂᒡ ᐸᐃᒄ ᐊᔅᒋᔭ IA-N ᐊᑎᓯᓇᑕᐃᑲᓄᒡ ᑭᔭ ᐊᓐᑕ ᐊᔅᒋᔭ ᒪᒧ ᐊᔅᐱᓴᒡ 40 acres᙮ ᐊᓐᑕ ᐊᑎᒂᒡ ᐊᔅᒋᔾ ᐃᓯᓇᒂᒡ ᐎᓄᔅᒋᑕᑲᓄᒡ ᐃᔪᔅᒋᔾ ᒐᒂᓐ ᐎᒋᒥᑕᑲᓄᒡ ᑭᔭ ᐊᑐᔅᒐᐅᓐ ᐎᐎᑲᐳᐎᑕᑲᓄᒡ;

ᐊᓐᑕ ᒥᒐᑦ ᓇᔅᑲᐱ ᐛᒋᒡ ᐊᓐᑕ ᑲᐛᐛᒋᒪᑲᒡ᙮ ᓇᔅᑲᐱ ᐃᔨᒧᐅᓐ ᐅᔅᑭᒡ ᐊᓐᑕ ᔭᐱᒋᑕᑲᓄᒡ ᐃᔨᒧᐅᓐ, ᑭᔭ ᐊᓯᔨᒥᓇᓄᒡ ᑭᔭ ᐊᒥᓯᓇᐃᒐᓄᒡ ᐃᔨᒧᐅᓂᔪᐤ᙮ ᐊᑲᑭᔭᓴᐃᔨᒧᐅᓐ ᒥᓄᐛᒡ ᐊᓯᔨᒥᓇᓄᒡ, ᐊᑎᓱ ᐊᓐᑕ ᑯᑎᑲᒡ ᔭᐱᒋᑕᒡ ᐛᒥᔅᑎᑯᓯᔪᐃᔨᒧᐅᓂᔪᐤ᙮

ᓇᔅᑲᐱ ᐃᔪᒡ ᐊᔅᑯ ᑲᓄᐛᐃᑕᒡ ᒥᒐᑦ ᐃᔪᐤ ᐅᑕᒡ ᑲᐸᒡ ᐃᑕᑦ ᐱᒪᑎᓯᔪᐅᓂᔪᐤ ᑭᔭ ᐃᔪᐤ ᐃᑐᐅᓂᔪᐤ᙮ ᒧᔭᒻ ᒥᒐᑦ ᑯᑎᑲ ᒋᐛᑎᓄᒡ ᐃᔪᔅᒋᔭ, ᓇᔅᑲᐱ ᐃᔪᒡ ᔭᐱᒋᑕᒡ ᑭᔭ ᑲᓄᐛᐃᑕᒡ ᒐᒋ ᐊᓐᑐᐅᒡ ᑭᔭ ᐊᓐᑐᐅᓂᒪᓴᒡ ᑭᔭ ᐊᓐᑐᐅᒪᓂᔪᒡ ᐊᓐᑕ ᐃᔪᑎᓄᐛᒡ ᑭᔭ ᐛᒋᐱᑲᔅᒋᑯᒡ᙮ ᓇᓐᑎᒻ ᐊᓐᑕ ᑲᐸᒡ ᑲᓄᐛᐃᑕᒡ ᐊᓐᑕ ᒐᒋ ᐊᓐᑐᐅᒡ ᐅᐱᒪᑎᓯᔪᐅᓄᐛᒡ᙮ ᑲᐛᐛᒋᑲᒪᒡ ᐊᓐᑕ ᐛᔅᑕᐱᒡ ᐊᑕ ᐊᐱᒋᑕᑲᓄᒡ ᒪᔅᑲᓄᐤ ᑭᔅᑭᓐ ᐱᐳᓇ᙮ ᐃᔅᑯᑕᐅᑕᐸᓐ ᒪᔅᑲᓄᐤ ᐊᓐᑕ ᐊᐱᒋᑕᑲᓄᒡ ᑲᔭᐅᑕᓱᓇᓄᒡ ᐊᑐᔅᒐᐅᓐ ᐊᓯᑯᒻ ᒥᓇᔅᑕᑭᓇ ᐊᓐᑕ ᓴᐱᐸᐤ ᐛᐳᔅ, ᓇᐱᑥᐤ ᐅᑕᓇᐤ ᑭᔭ ᐛᓴᒡ ᑭᔭ ᐊᑎᒂᒡ ᐊᐳᓴᑲᓄᒡ ᐊᐛᓐᒋ ᑭᔭ ᐊᔭᐅᑕᓱᓇᓄᒡ ᒧᔭᒻ ᐅᑕᐸᓇ, ᐱᒥᔾ, ᒥᒋᒻ ᑭᔭ ᐊᒥᔅᑯᒋᑕᑲᓄᒡ ᒥᒋᒻ᙮

ᓴᐱᐸᐤ ᑥᐅᓇᓐ, ᐊᑎᒂᒡ 5,000 ᒐᓯᐱᔪᐤ ᒥᓯᑦ ᐊᑕᐸᑭᒧᑦ ᐊᔅᒋᒪᓐ, ᐊᓐᑕ ᓴᐅᓄᒡ ᐛᔅᑕᐱᑎᒡ ᐊᓐᑕ ᐊᓯᑯᒻ ᐱᐳᓇ, ᐱᑕᑕᒡ ᒋᓯᑲᐛ ᐊᓯᑯᒻ ᒥᓇᔅᑕᑭᓇ᙮