ᓇᔅᑲᐱ (ᐃᔭᐱᒡ ᐊᓯᓂᔅᑐᑕᑎᓱᓇᓄᐅᒡ ᐃᔪᐤ ᐃᔨᒧᐅᓐ / Iyuw Iyimuun ᐊᔅᒋᔄᓄᒡ ᐊᓐᑕ ᓇᔅᑲᐱ ᐃᔨᒧᐅᓂᒡ) ᐊᓐ ᐃᔪᐤ ᐃᔨᒧᐅᓐ ᐊᑎᔅᑭᒥᑲᒡ ᑲᓇᑕ ᐃᔪᐤ ᐃᔭᐱᒋᒋᑕᒡ (Algonquian) ᐊᓯ ᐃᔨᒥᒡ ᓇᔅᑲᐱ ᐃᔪᒡ ᐅᑕ ᑯᐸᒃ ᑭᔭ ᓇᐱᑥᐤ, ᑲᓇᑕ᙮ ᐊᓐᑕ ᐊ ᒥᓯᓇᐃᒐᓄᐅᒡ ᐛᐱᓄᑕᒡ ᒋᒥᔅ ᐱᔾ ᐃᔪᔅᑕᑭᓄᐅᒡ᙮

ᐊᓐᑕ ᐊᔅᒋᔄᒥᑲᒡ ᓇᔅᑲᐱ ᐊᓐᑕ ᑯᐸᒃ ᑭᔭ ᓇᐱᑥᐤ ᐱᑐᐤ ᑭᔭ ᐛᔅᑲ ᑲᐛᐛᒋᑲᒪᒡ, ᑯᐸᒃ᙮ ᓇᔅᑲᐱ ᐊᓐᑕ ᐊᔅᑎᓯᓇᑕᐃᑭᓄᐅᒡ ᐃᔨᒧᐅᓐ “y-dialect” ᐊᓐᑕ ᒥᒐᑦ ᐃᔨᒧᐅᓐ ᑕᑐᐎᒡ ᐊᑎᑕᒂᒡ ᐊᓐᑕ ᒋᐛᑎᓄᒡ ᒋᒥᔅ ᐱᔾ ᐃᔨᒧᐅᓐ ᑭᔭ ᐊᓐᑕ ᐛᐱᓄᑕᒡ ᑭᔭ ᒪᒧ ᐃᔨᒧᐅᓐ ᐊᓱᐎᑕᑭᓄᐅᒡ ᒐᒂᓐ ᐊᓐᑕ ᒪᒧ ᐊᐱᒋᑕᒡ ᐃᓄᐤ ᐃᔪᒡ᙮

ᐊᑎᓱ ᐊᓐᑕ ᓇᔅᒐ ᒥᒋᒪ ᐃᔨᒧᐅᓇ ᐊᑎᒂᒡ ᐊᐱᒋᑕᑭᓄᐅᒡ ᑭᔭ ᐃᔪᐤ ᐃᑐᐅᓐ ᒪᒧ ᐊᓯᐱᒧᑕᒥᑲᒡ ᐊᓂᔭ ᓇᔅᑲᐱ ᑭᔭ ᐃᓄᐤ ᐃᔪᒡ ᐃᔅᐱᔅ ᐊᓐᒡ ᓇᔅᑲᐱ ᑭᔭ ᑯᑎᑭᒡ ᒋᒥᔅ ᐱᔾ ᐃᔪᐤ ᐃᔨᒧᐅᓐ ᐃᔪᔅᒋᔭ᙮ ᓇᔅᑲᐱ ᐊᔅᑯ ᐊᓐᑕ ᐊᑎᐸᓐ ᐊᑎᑕᒂᒡ ᐃᔨᒧᐅᓐ ᐃᔅᐱᔅ ᐊᓂᔭ ᑯᑎᑲ ᐃᔪᐤ ᐃᔨᒧᐅᓇ ᐊᓐᑕ ᑯᐸᒃ ᑭᔭ ᓇᐱᑥᐤ ᐃᑕᐅᓇ᙮